Pediatër Online Shqipëri – Konsultë Fëmijë | Dr. Mikel Koti

Pyetje të shpeshta

A mund të vlerësohet fëmija im online?

Po. Në shumë raste konsulta online ndihmon për të kuptuar situatën, për të dhënë udhëzime të qarta dhe për të vendosur nëse nevojitet vizitë fizike ose analiza të mëtejshme.

Sa shpejt do të marr përgjigje?

Zakonisht përgjigjem brenda pak minutash gjatë orarit 08:00 deri në 22:00 08 :00 – 22 :00 (ora e Shqipërisë). Nëse jam i zënë me pacientë në spital ose kam një angazhim tjetër të papritur, do t'ju njoftoj dhe do t'ju përgjigjem sapo të jem i lirë.

A ka tarifa shtesë?

Nuk ka tarifa shtesë nga ana ime; komisionet e pagesës i mbuloj unë. Në varësi të vendit ku ndodheni, Gumroad mund të shtojë taksa lokale (si TVSH/VAT) gjatë pagesës.

Sa zgjat një konsultë?

Konsulta s'ka limit kohor për shqetësimin që keni paraqitur — zgjat aq sa nevojitet për t'ju dhënë qartësi të plotë për të. Tarifa e konsultës mbetet e njëjtë pavarësisht kohëzgjatjes. Për një shqetësim tjetër, do të nevojitet një konsultë e re.

Si zhvillohet konsulta?

Pasi plotësoni formularin dhe kryeni pagesën, ridrejtoheni automatikisht në WhatsApp. Konsulta zhvillohet me chat, audio ose video, sipas nevojës.

A mund të dërgoj analiza, foto ose video?

Po. Mund të dërgoni analiza laboratorike, receta, raporte mjekësore, fotografi ose video që ndihmojnë në vlerësimin e rastit.

Çfarë ndodh nëse fëmija ka nevojë për recetë?

Gjatë konsultës, nëse ka indikacion mjekësor, mund të rekomandohet edhe trajtim me recetë. Në shumicën e rasteve, trajtimi përfshin barna pa recetë (OTC), të cilat merren direkt në farmaci. Për barna që kërkojnë recetë zyrtare, do t'ju duhet konfirmim shtesë pranë mjekut ose farmacisë lokale.

Kur nuk mjafton konsulta online?

Në rastet urgjente ose kur nevojitet ekzaminim fizik i menjëhershëm, do t'ju këshillohet paraqitja në urgjencë ose vizitë fizike.

Çfarë është Gumroad dhe a është e sigurt pagesa?

Po. Gumroad është një platformë ndërkombëtare e besuar për pagesa online. Pagesat kryhen në lidhje të enkriptuara dhe Dr. Mikel Koti nuk ka akses në të dhënat e kartës suaj bankare. Lexo dokumentacionin zyrtar të Gumroad

Nëse çmimi është kaq i ulët, a do të thotë që shërbimi është më pak profesional?

Jo. Jam pediatër i licencuar me specializim 4-vjeçar dhe punoj çdo ditë në Spitalin Rajonal "Omer Nishani". Çdo konsultë trajtohet me të njëjtin kujdes, përgjegjësi dhe standard profesional si çdo vizitë pediatrike. Tarifa është zgjedhje e vetëdijshme për ta bërë këshillimin pediatrik të aksesueshëm për sa më shumë familje shqiptare, jo një kompromis në cilësi.

A janë të sigurta të dhënat e mia?

Po. Të gjitha informacionet, dokumentet dhe komunikimi gjatë konsultës trajtohen me konfidencialitet dhe sipas etikës profesionale mjekësore.

A ka mundësi ndjekjeje pas konsultës?

Po. Nëse nevojitet, mund të vazhdojmë komunikimin për të njëjtën çështje edhe pas konsultës fillestare.

Po nëse nuk mbetem i kënaqur me konsultën?

Kënaqësia juaj është shumë e rëndësishme për mua. Nëse mendoni se shqetësimi nuk është adresuar plotësisht, më shkruani në WhatsApp — konsulta e radhës për të njëjtin problem do të jetë falas.